9月了,很快又要去海洋公園上班,十月全城哈佬喂...
今年第五年了,加上自己又有一份工作,就是說又九月中到整個10月我都不能放假,
星期一到星期日都要上班......
halloween終於完啦,我星期六同星期日終於又有假放啦,係唔係應該係好開心呢???
今年係第四年做,同之前三年一樣,d客人一d都無進步過,我都唔想講咁多...
今年感覺有點不同,可能係起民政處做耐左,太悶,做嘅野太低能,去到海洋公園至做番d適合我做嘅野,無錯,我一向都係好有自信,做leader,應付死肥婆,大狗公,吊下d客,睇下女仔,雖然辛苦,但點都好過起民政處做d低能野......
昨天同公園同事去唱K,不過無咩特別,山頂三間鬼屋都有人去,係黎左個唔係好關事嘅人,唔知佢做乜......
希望快d搵到第二份工,如果我想過退休生活嘅話,民政處係幾好嘅,出兩成就已經夠,慳水慳力......
終於完左大巡遊,為左個巡遊忙左成個月,不過,好似都好成功...
今次巡遊係我入民政處後最大型嘅活動,雖然我只係協助,但成個巡遊只有我team做,有點吃力,我負責嘅係聯絡,同參與嘅團體聯絡,打電話都打左幾百次,又要準備物資比各個團體3千幾人,做到我傻,不過,如果有機會比我做一個咁大型嘅活動,而又唔只係協助,而係策劃,或者這是我的目標,但卻沒有機會,工作......真難!!!
又講下海洋公園,還有兩星期便完了,由於我們有個共同的敵人,成間屋嘅人都算團結,除左有某人成日唔返工之外......發覺個肥婆(算係我上司)真係好仆街,點仆街就唔講啦,因為太多不能盡錄,不過身為leader嘅我,由於係part time,梗係頂到佢衡啦,等佢唔好成日煩到我們,仲要因為間屋大多都係女,仲要係細路女,避免佢地比肥婆恰,我都盡量要幫佢地,當然有d我睇唔到就理唔到,真希望快點完收錢走人,肥婆仲同我講對我嘅能力好有信心希望我下年都返去做,梗係啦,間屋真係有事,死肥婆唔知走左去邊,咪又係我同其他同事搞掂,我對佢真係一點信心都無,如果我下年真係返去做,又見到你做屋主,我睬你都傻,不過,佢留到下年,或者我仲會做至算啦...
(閱讀全文)番左幾日halloween,加上自己有份民政,成個十月都唔洗諗住有假放,民政嗰邊仲要撞正60周年國慶加東亞,忙到仆街,整係做個大巡遊都有排玩,仲有兩個星期,有排做......
講番海洋公園,入面啲人事關係複雜到......個肥婆又乞人憎......
原本我做嗰間屋嘅IC因為我報嘅時間同人數,簡接比我害左(不過成件事好複雜),嗰肥婆加多腳,篤埋背脊,搶左間屋黎做,聽前IC講話要鞏固自己嘅地位喎,未踢走佢之前,肥婆已經搞搞陣,最後由於我又係leader,夾起佢地兩個中間,特別個死肥婆成日都搞我,又依樣又嗰樣,頂佢個肺......
今年好惡做,除左個肥婆差隻腳過黎做左IC之外,成間屋9個人7個都係女,得番我同大佬,搬野都搬到仆街,好彩有保安幫手,最慘係7條女全部都係o靚妹,一D推動力都無......
一方面我要應付個死肥婆,等佢唔好搞到我地9個人,另一方面又真係要做野煩到仆街,又好彩肥婆搶間屋黎做係為左比上面啲人睇,只係行行企企,得閒話D女兩句(佢仲未辣到我,如果佢吊我嘅你唔洗止意好過,我係part time,做唔做都得,佢就係一個file花哂嘅IC,睇下邊個玩唔起!!!)成間屋都係我地自己run,雖然煩,但我絕對搞得掂,反而死肥婆起到真係阻住我地做野......
總之,快D過左今個月,收錢走人,其他野我唔想理......
